بكر
المتولي

الصراع هون مش خارجي، كله بالعمق. بهاي التجربة بمسابقة وميض للأفلام القصيرة، التحدي الإخراجي كان كيف ننقل العبء الوجودي بصريا وبدون ما نلطف المشهد. استخدمنا التباين الحاد بالصورة، وحصل على المركز الأول في الأردن والثاني عربيا بين مصر وتونس.

كمخرج، هاد الفيلم بيعكس نظرتي للسينما الواقعية اللي ما بتدور على اللقطات المريحة، بل بتركز على نقل الحالة النفسية الخام للمشاهد.

الشغل هون ما كان بس يلا نصور. كان لازم نخلق هوية بصرية وVibe متكامل لكل برنامج ليعكس شخصيته. ببرامج زي سجال وقوافل وملهم، اشتغلت على الـ Creative Lighting عشان أعطي عمق نفسي للحوار.

بالكواليس، كل تفصيل وإضاءة كانت مدروسة لتخدم الفكرة وتطلع الشغل بوزن ثقيل، والأهم يوصل للناس بالشكل الصح اللي بيترك أثر.

بتعرفوا حركة لما الأستاذ يسأل سؤال والكل ينزل راسه ويعمل حاله بكتب عشان ما يجاوب؟ هاد بالضبط اللي صار أول ما شغلنا الكاميرا بالمدارس لتصوير حملة ICDL. من طالب مدرسة بياخذ نفس الشهادة، رجعت اليوم أشتغل عليها وأعمل Rebranding كامل لهويتها مع Specto.

التحدي الإخراجي كان كسر الجمود البصري للمدارس. وظفنا الـ Creative Lighting عشان نطلع بصورة سينمائية من قلب الصفوف والمختبرات بدون ما نخرب هيبة المكان. الشغل ما وقف على فيديوهات؛ شملنا بوسترات، تصميم، وحملة إعلانية كاملة.

ومن جهة ثانية، أصعب إشي بتسويق دورة UI/UX، إنو عين المتابع رح تقيم الـ UI لحملتك البصرية قبل الدورة نفسها. استلمنا حملة مشتركة بين Specto والجامعة الألمانية الأردنية GJU. التحدي كان دمج الثقل الأكاديمي للجامعة مع روح التكنولوجيا لسبيكتو، وبنينا Vibe بصري بيعكس هوية الطرفين بصورة متزنة ومدروسة.

التسويق الخفي هو إنك تبيع بدون ما تحسس الناس إنك بتبيع. اشتغلنا على حملة محتوى للمنتجات، والتحدي الإخراجي كان دمج الرسالة التسويقية جوا القيمة اللي بنقدمها.

المتلقي بيتفاعل مع الفيديو بشكل طبيعي كأنه بيحضر محتوى مش إعلان. لغة الشارع والميدان هي اللي بتكسب دايما وبتبني الثقة بين البراند والجمهور.

سلسلة محتوى بنيتها لهدف تسويقي شخصي بحت؛ كنت بدي أجيب عملاء جداد لشغلي في التصوير، واستخدمت فكرة اشتري بيجو كطعم ومحور للسلسلة.

نزلنا عالميدان وعملنا محتوى تفاعلي عفوي قريب من الشارع. السلسلة نجحت وجابت تفاعل عضوي ممتاز، لأنها لفتت انتباه الناس والعملاء بأسلوب حقيقي ما فيه تصنع، وأثبتت إن المحتوى الصادق بيجيب شغل أكثر من أي إعلان تقليدي.

بينما كان كل فريق بالمسابقة مشغول بتركيب قطع الروبوت، شفت قصة لازم تتوثق. بدأت أسجل كواليس تعبنا، إحباطنا، واللحظات اللي نجحنا فيها. السلسلة ما كانت مجرد تغطية ناشفة لمسابقة، كانت سرد ليوميات فريق بيحاول ينجز من الصفر.

هذا الأسلوب القصصي في المحتوى ميزنا بوضوح عن باقي الفرق، ولفت انتباه السوق لدرجة إنه جابلنا رعايات ودعم من شركات قوية راهنت علينا بسبب القصة اللي عاشوها معنا بالفيديوهات.

استلمت قائد فريق للسوشال ميديا، وهون الاحتكاك مع الناس كان بشكل يومي. اشتغلنا على الهوية البصرية، والأهم كان تدريب الفريق من خلال دورات بالتصوير والتصميم وفهم السوق.

أحلى إشي بهاي التجربة لما تشوف شباب من اللي دربتهم مسكوا خط وتخصصوا وكملوا بالمجال بكل احترافية، وهاد هو الأثر الحقيقي للشغل.

طلاب بيشرحوا لطلاب، فكرة بسيطة بس بدها إخراج ذكي يوصل للفئة المستهدفة. بحملة الانطلاق، فصلنا المحتوى ليكون مخصص لطلاب الجامعات ويحاكي جوهم.

التحدي كان إنو كل طالب يشوف حاله ومواقفه اليومية جوا الفيديو، وهاد اللي صار وخلى الناس تحب المحتوى وتتفاعل معه بشكل عضوي وسريع.

بناء الهوية البصرية للبراند وهوية الفيديوهات كان تحدي ممتع. دمجنا بين الإعلانات المباشرة وبين محتوى الترند اللي كان ضارب وقتها عشان نوصل لأكبر شريحة.

بالميدان، هالتجربة علمتني كثير عن متطلبات السوق الحقيقية، وكيف أكتب عروض مالية وفنية وأجيب رعايات، وأفهم عقلية العميل بعيدا عن النظريات.